Hľadaný výraz: psalms 54, Preklad: Hebrejský - Moderný, Počet výsledkov: 1
| 1 למנצח בנגינת משכיל לדוד בבוא הזיפים ויאמרו לשאול הלא דוד מסתתר עמנו אלהים בשמך הושיעני ובגבורתך תדינני׃ 2 אלהים שמע תפלתי האזינה לאמרי פי׃ 3 כי זרים קמו עלי ועריצים בקשו נפשי לא שמו אלהים לנגדם סלה׃ 4 הנה אלהים עזר לי אדני בסמכי נפשי׃ 5 ישוב הרע לשררי באמתך הצמיתם׃ 6 בנדבה אזבחה לך אודה שמך יהוה כי טוב׃ 7 כי מכל צרה הצילני ובאיבי ראתה עיני׃ |
